font-help

এই পোস্টটি 2,331 বার দেখা হয়েছে

গাবুর গাবুর মন( চাঙমা কবিতা)

গাবুর গাবুর মন

লিটন চাক্‌মা (অন্নদা)

 

হদা হদে হিদিক হিদিক

দিন্য এলে বেড়ায় তিদিক তিদিক।

আজি রঙে দিন হাদায়।

মিলে দেলে চোখ পাদায়।

ঘরত এলে চিদ ন’ জুড়োই,

রেত্তো এলে রেত্‌ ন’ পুরোই।

পরান গরে ভিরং ভিরং,

উরং উরং মন,

মান্‌জে হদা কান্‌ ন’ পাদে,

হনে হি হদন্‌।

পড়াত্‌ বলে মন্‌ ন’ বজে,

ভাবে মিলে হধা,

পরেক্ক্যে দিলে রেজাল্ট অলে,

ডবল ডবল বধা।

হোচপায় ইক্কো মিলেরে

সিবে নাঙান লদা,

মুজোঙত্‌ গেলে চেই থাই,

ভাঙি হোই ন’ পারে হোচ্‌পানা হধা।

এজান গরি হাদের তার

গাবুর গাবুর মন,

মনান্‌ তার্‌  থিধে অব

পেলে বুগোর ধন।

 

ফেসবুকে আড্ডা দিতে এখানে ক্লিক করুন

এই বিভাগের আরো পোস্ট

Tags: